Planleggingsverktøy
Planleggingsverktøyet i læreplanvisninga (PIL) blir avvikla 1. juli 2026. Det kan vera lurt å begynna å bruka itslearning til å laga temaplanar og årsplanar allereie frå og med skuleåret 2025/2026, så du er trygg på å bruka dette verktøyet før PIL forsvinn for godt.
Dei som er registrerte som brukarar av planleggingsverktøyet (PIL), kan bruka det fram til det blir avvikla.
Viss du ynskjer å behalda nokre av planane dine, må du lasta dei ned og lagra som PDF før 1. juli 2026. Dette gjer du ved å klikka deg inn på planen som du vil lagra, og deretter på Last ned → PDF
Frå 1. august 2025 vil det ikkje vera mogleg å oppretta nye brukarar i verktøyet.
Årsaka til at Utdanningsdirektoratet avviklar løysinga, er stadig færre brukarar over tid.
itslearning
Først bør du kikka gjennom filmen som viser korleis du opprettar heilt nye fag i itslearning.
Barnetrinnet: Det er oppretta to nye terminar – Barnetrinn H2025 og Barnetrinn H2026. Terminane må leggjast inn i eksisterande fag som tilsette har brukt til å skriva halvårsvurderingar. Nytt av året er det nye mal-faget MAL 1–7 Fag, som du kan bruka til å planlegga og undervisa i fag på barnetrinnet. Alle fag som du opprettar basert på denne malen vil automatisk få riktige innstillingar og terminar, men du må sjølv leggja inn kompetansemåla i faget ditt for riktig trinn.
Ungdomstrinnet: Nye terminar må leggjast inn i alle eksisterande fag i itslearning, i starten av skuleåret. Det er oppretta to nye terminar – Ungdomstrinn H2027 og Ungdomstrinn V2028. Desse terminane er sisteåret til dei som startar på ungdomsskulen i haust. Dei som ynskjer å planleggja og få oversikt over eit fag over tre skuleår – for eksempel kunna henta ut rapport over brukte kompetansemål for heile skuleløpet på ungdomsskulen – kan leggja inn terminane for alle dei tre skuleåra som faget skal brukast. Sjå elles rettleiaren om halvårsvurdering i itslearning.
OneNote-klassenotatblokker
Det er oppretta nye team og OneNote-klassenotatblokker for
- HJÅRDAL-2019
- HJFISTER-2019
- HJHJELM-2019
- HJHJELM-2012-A
- HJHJELM-2012-B
Alle dei andre OneNote-klassenotatblokkene blir vidareført frå sist skuleår.
Du må sjølv ta ansvar for å opna klassenotatblokker som du treng, og lukka klassenotatblokker som du ikkje treng.
Sjå korleis du koplar til nye OneNote-klassenotatblokker, og les om korleis me bruker klassenotatblokker i Hjelmelandsskulen. Kanskje du òg vil repetera rutinen for vekeplanar i OneNote?
→ Oversikt over OneNote-klassenotatblokker i Hjelmelandsskulen
Passord og PIN-kodar for elevar
Me er nøydde for å leggja om rutinane for passord og PIN-kodar for elevar. IT-tryggleiken er ikkje sterk nok, når elevane har dei same tala i både passordet og skjermkodane.
I løpet av dei første vekene etter skulestart, vil dokker få beskjed om at elevane har fått nye passord, eller at dei treng hjelp til å setja sine eigne PIN-kodar, som har andre tal enn dei har i passorda sine. Meir informasjon kjem i eigen e-post.
Digitale læremiddel og verktøy
Til skuleåret 2025/2026 har Hjelmelandsskulen bestilt følgjande digitale læremiddel og verktøy:
- Alle Teller! (kartlegging i matematikk på alle trinn, automatisk overføring til Conexus Engage)
- Aski Raski (lesetrening)
- Campus Matte 4–10
- Campus Naturfag 8–10
- Clarify (digitale ordbøker)
- Conexus Engage (registrering og visning av kartleggingsresultat) → merk at denne må brukast langt meir enn i dag, dersom me skal behalda abonnementet
- Dragonbox Skole 1–4 (matematikk)
- Elevkanalen Totalpakke 1–10 (nyheiter og faginnhald)
- Filmrommet (filmkatalog – "Netflix" for skular)
- iMAL Lesestart
- itslearning (læringsplattform – frå planlegging til utdeling av oppgåver og vurdering elevsvar) → bør òg takast i bruk på barnetrinnet til planlegging og vurdering, sidan Udir er i ferd med å fasa ut planleggingsverktøyet i læreplanvisninga (PIL)
- Kahoot! EDU (quiz, presentasjonar, undersøkingar, etc.) → merk at denne må brukast langt meir enn i dag, dersom me skal behalda like mange lisensar
- Klassetrivsel (ikkje-anonyme undersøkingar for trivsel og læringsmiljø)
- Kor Arti' (musikk, playback med songtekstar)
- Lingdys Skole (skriveverktøy til alle fag, erstatning for IntoWords) → vurderer å seia opp, grunna lite bruk og dårleg funksjonalitet
- Minecraft Education (bygging, 3D-modellering, koding, etc.)
- Salaby 1–7 (digitalt læringsunivers, innhald i dei fleste fag)
- Skolen Total 1–10 (faginnhald i dei fleste fag)
- Skrible 5–10 (skriveverktøy til alle fag)
- Verkstaden 8–10 (praktisk-estetiske fag)
- YOU-portalen (utdanningsval)
Sjå elles komplett oversikt over digitale læremiddel og verktøy i Hjelmelandsskulen.
Dysleksi-testing
Frå og med sist skuleår har Hjelmelandsskulen brukt Dysmate til å gjennomføra screening- og oppfølgingsstestar for å avdekka og følgja opp dysleksi. Målet er tidleg innsats, slik at ingen barn skal gå gjennom Hjelmelandsskulen med uoppdaga dysleksi.
Dersom du har mistanke om at ein eller fleire av elevane dine har lese- og skrivevanskar som kan forklarast med dysleksi, kan du ta kontakt med logoped, rektor eller spesialpedagogisk koordinator ved din skule, eller rådgjevar for skuleutvikling for å avtala testing.
Justert regelverk om lån og bruk av læringsbrett
Reglane om lån og bruk av læringsbrett blei justerte frå og med skuleåret 2024/2025. Den viktigaste endringa er at elevane på 1.–2. trinn som hovudregel skal lada læringsbrettet på skulen over natta, medan elevane på 3.–10. trinn skal ta læringsbrettet med seg heim som før. Viss elevane på 1.–2. trinn skal gjera heimelekser på læringsbrettet, må dei sjølvsagt ta den med seg til og frå skulen.
I tillegg minnar me om at læringsbretta som hovudregel skal liggja på skulen i alle skuleferiar.
IKT-ressurslærarar og rådgjevar for skuleutvikling
Følgjande er IKT-ressurslærarar i skuleåret 2025/2026:
- Årdal skule: Gustav Hagen Aarsland
- Fister skule: Marta Dalane
- Hjelmeland skule: Espen Syversen Liahagen (1.–7. trinn) og Marta Tysdal (1.–10. trinn)
Morten er framleis tilsett i 30 prosent stilling som rådgjevar for skuleutvikling. I tillegg til ein del administrative oppgåver, ynskjer han å vera med på utviklingstid, rettleiing og undervisning ute på skulane. Dei som har gitt beskjed om at dei ynskjer rettleiing blir kontakta direkte. Elles kan du sjølvsagt booka tid med Morten direkte i denne kalenderen, eller bruka Kalender eller Teams til å avtala tid.
| Vekedag | tysdagar | torsdagar | fredagar |
| Tidspunkt | kl. 12:30–16:00 | kl. 12:00–15:30 | kl. 12:00–15:30 |
