Om tenesta
App som blir brukt til å laga og gjennomføra fleirvalsoppgåver (quiz). Kahoot! kan brukast som læringsstøtte, for å testa kvar enkelt elev si forståing av læringsmåla. Kahoot! kan òg brukast til å identifisera kva nivå elevane i klassen er på, om det er behov for meir utfordrande læringsaktivitetar, eller for å testa om det er behov for ny gjennomgang av grunnleggande kunnskap om det aktuelle temaet.
Spelet føregår ved at spørsmåla og opptil fire svaralternativ blir viste på hovudskjermen. Svaralternativa har forskjellig farge og form. På elevane sine skjermar vil det vera opptil fire knappar med ulik farge og form, og elevane må trykka på knappen som representerer det riktige svaret.
Med spøkelsesmodus kan ein spela quizen på ny, og elevane konkurrerer både med klassen på ny, og med klassen sine resultat i første omgang.
