- tilsett, administrasjon
- Hjelmeland
- prev
- next
Informasjon
Vekeplanane skal ligga i OneNote-klassenotatblokkene.
- Klikk deg inn på OneNote-appen.
- Vel éi av klassenotatblokkene, t.d. HJFISTER-2011 eller HJHJELM-2015.
- Opna inndelingsgruppa _Vekeplanar.
- Klikk deg inn på inndelinga for riktig termin, t.d. H2021.
- I inndelinga ligg det allereie klar ein mal for vekeplan. Malen er felles for heile Hjelmeland kommune, og er tilpassa breidda på elevane sine iPadar.
Kontaktlærar kopierer opp vekeplan-malen for minst to veker fram i tid:
- Bla deg fram til vekeplan-malen for den klassen du jobbar med (i OneNote-klassenotatblokk).
- Hald pennen eller fingeren din på malen til den blir huka av med ein rund, lilla knapp.
- Trykk på flytt/kopier-knappen som kjem fram nedst på skjermen (pil mot rektangel).
- Trykk på Kopier.
- Trykk på inndelinga for riktig termin.
- Den nye vekeplanen ligg nå klar under malen.
- Byt ut teksten MAL med vekenummeret.
- Vekeplanen er klar for redigering.
Faglærar skriv inn mål og eventuelle lekser i planen, seinast torsdag kl. 14:00.
Kontaktlærar distribuerer den til klassen seinast kl. 14:30 torsdag ettermiddag:
- Finn fram til vekeplanen som du skal distribuera.
- Klikk på menyknappen Klassenotatblokk på toppen av skjermen.
- Klikk på knappen Distribuer side (pil mot eit ark).
- Trykk på Distribuer side igjen.
- På høgre side av skjermen blir elevane sine inndelingar lasta inn.
- Trykk på inndelinga Vekeplanar.
- Trykk på knappen Distribuer.
- Vekeplanane blir nå distribuerte ut til elevane sine personlege område i notatblokka.
Faglærarar/spesialpedagogar/fagarbeidarar justerer kvar enkelt elev (som har behov for det) sin vekeplan seinast 16:00 fredag:
- Klikk deg inn på namnet til eleven,
- Klikk på inndelinga Vekeplanar.
- Rediger den aktuelle vekeplanen.
- Oppdateringane blir synkroniserte til eleven.
Elevar/foreldre kan sjekka vekeplanane sine i OneNote etter 16:00 på fredagane.
Merk: Elevane vil alltid ha ein distribuert kopi. Tanken bak dette, er at alle elevar har rett på tilpassa opplæring, òg når det gjeld lekser.
Vekeplanen må difor vera ferdig før den blir distribuert. Endringar som blir gjort etter at kontaktlærar har distribuert vekeplanen til klassen, må anten lærarane eller elevane skriva inn i elevkopien etterpå.
