Personvernrisiko
Ingen – Det blir ikkje lagra personopplysningar.
Om tenesta
Norskutvikla spel som hjelper barn med å knekka lesekoden gjennom leik. Spelet legg til rette for eit uendeleg antal repetisjonar av koplinga mellom lyd og bokstav, utan at barnet tenker over det. Barn som er i risikogruppa for å få dysleksi, har nytte av mange repetisjonar av koplinga mellom lyd og bokstav.
Spelet kan gje barna auka fonologisk medvit, og kan vera eit godt verktøy for elevar som har behov for mange repetisjonar i avkodingsprosessen.
Siden appen er eit spel, vil motivasjonen for å «trena» vera stor hjå mange barn. Spelet kan brukast både som lekse og som stasjonsundervisning i klasserommet.
MERK: Ved første bruk av appen får eleven tilgang til å spela gjennom dei fem første banane. For at elevane skal få tilgang til alt innhaldet i appen, må skulen/kommunen først kjøpa éin eller fleire lærar-lisensar til Kahoot! EDU. Både elev og lærar må dessutan ha Kahoot!-appen installert på sine læringsbrett. Når lærar har fått tildelt lisens til Kahoot! EDU, kan lærar gje eleven tilgang ved å dela elevpass i Kahoot!-appen.
