Microsoft MakeCode Arcade er ein gratis, nettbasert plattform for å læra koding gjennom å laga enkle 2D-spel. MakeCode Arcade er retta mot nybegynnarar, spesielt barn og unge, og tilbyr både blokkbasert og tekstbasert programmering i JavaScript og Python.
Brukarane kan testa spela direkte i nettlesaren eller på spesialbygde konsollar. Plattforma legg vekt på kreativitet og problemløysing, og inkluderer opplæringsprogram, malar og rettleiingar som gjer det enkelt å koma i gang.
Middels – Det blir for eksempel lagra personopplysningar i form av elevarbeid, skriftleg eller munnleg, lyd og bilete, eller fritekstfelt som ikkje legg opp til sensitive personopplysningar, samt lagring av brukaren sin identitet, skule, gruppetilhøyring, m.m.
Kva er behandlingsgrunnlaget?
Nødvendig for å utøva offentleg mynde.
Tenesta er eit læremiddel, slik dette er definert i opplæringslova § 9-4 og forskrift til opplæringslova, kapittel 17. Tenesta behandlar opplysningar om elevar og lærarar, samt programkode som elevar og lærarar lagar i tenesta.
Personopplysningane blir lagra for å gje brukarane tilgang til tenesta, samt å lagra brukarprodusert innhald, slik at brukarane kan henta dette fram seinare.
Blir personopplysningane brukte til…
| … kontrollføremål (skatt, NAV, toll, politi, forsikring)? | – |
| … systematisk og omfattande analyse av personlege aspekt? | – |
| … avgjerder som får betydning for den registrerte? | – |
| … profilering av den registrerte? | – |
| … avdekka ukjende sider eller mønster? | – |
| … vidarebehandling til nye formål (t.d. forsking)? | – |
