Pendel

Pendel samlar inn brukarinformasjon, uavhengig om brukarane har logga seg inn på Pendel eller ikkje. Ved å henta informasjon om elevar og grupper, utan at desse må logga inn først, kan Pendel henta inn oppdatert informasjon frå skulen sitt administrative system kvar dag. Dermed er lista over elevar og grupper på kvar enkelt skule alltid oppdatert.

Pendel samlar inn gruppemedlemsidentifikatorar for alle elevane, for å kunna bruka Feide-grupper til å tildela lisensar. Ved å bruka informasjon om elevar, lærarar og grupper frå Feide, blir tildelinga av lisensar på individ- og gruppenivå forenkla. Klasse- og gruppeinndelinga blir òg sendt direkte til leverandørane av dei digitale læremidla, slik at dei kan registrera kva elevar og grupper som skal ha tilgang i sine system. Pendel mellomlagrar gruppene og held desse oppdaterte slik at administrator på skulane kan få oversyn over kva grupper som har fått tildelt kva lisensar og kva elevar som tilhøyrer den enkelte gruppa. På den måten kan pendel tildela eller fjerna lisensar dersom ein elev blir lagt til i eller tatt ut av ei gruppe.