Om tenesta
Læremiddelet Angrip! fokuserer på reglar i krig. Det er lett å få inntrykk av at krig er anarki, men slik er det ikkje. Genèvekonvensjonane, som alle statane i verda er samde om, gjev retningsliner og reglar for kva som er lov og ikkje lov når ein krig først har brote ut. Reglane blir i stor grad følgde.
Gjennom læremiddelet Angrip! vil Røde Kors bidra til å spreia kunnskap og kompetanse om temaet, samt førebu skuleelevar til etisk refleksjon rundt utfordrande moralske val dei kan måtta ta i Forsvaret.
Angrip! er utarbeidd av Norges Røde Kors, i tråd med fagfornyelsen; overordna del, kompetansemål i faga, dei grunnleggjande ferdigheitene og dei tverrfaglege tema.
For at appen skal fungera, treng ein òg eit fysisk spelebrett. Fysiske spelebrett kan ikkje lenger bestillast, men nå finst òg Angrip! 2.0, der ein kan bestilla spelebrett.
