Rapport: iPad eller Chromebook i Hjelmelandsskulen
Kommunestyret i Hjelmeland kommune vedtok 12.12.2025 følgjande verbalpunkt: «Starte prosess med å vurdere å gå frå ipad til chromebook i Hjelmelandsskulen»
Utarbeidd av:
Godkjent av:
under utarbeiding
Sist revidert dato:
28.03.2025
Innleiing
Ved starten av skuleåret 2019/2020 fekk alle elevane på 1.–10. trinn tildelt kvar sin personlege iPad, som skulle brukast som verktøy i undervisninga.
Etter omfattande undersøkingar i 2017 og 2018 tilrådde prosjektgruppa å bruka iPad som læringsbrett. Basert på innstillinga frå prosjektgruppa, gjorde RITS-styret i juni 2018 samrøystes vedtak om å tilrå innføring av iPad i skulane i Sauda, Suldal og Hjelmeland. RITS-styret var òg innforstått med at Strand kommune heller valde å innføra Chromebook. Innstillinga frå RITS-styret låg til grunn for rådmannen si tilråding då kommunestyret i Hjelmeland vedtok å innføra iPad i Hjelmelandsskulen frå og med skuleåret 2019/2020.1
Våren 2023 gjennomførte me spørjeundersøkingar blant tilsette (1.–10. trinn), elevar (5.–10. trinn) og føresette (5.–10 trinn), som danna grunnlaget for rapporten Læringsbrett i Hjelmelandsskulen. I rapporten blei òg vidare moglegheiter og utfordringar med bruk av læringsbrett i skulen vurdert. Sju elevar, éin tilsett og éin føresett meinte at Hjelmelandsskulen heller burde begynna å bruka Chromebook eller iPad. Kommunedirektøren vurderte dette slik:
Byta ut iPad med PC eller Chromebook. Me har gjort grundige vurderingar før me enda opp med å velja iPad for å oppnå føremålet om meir, variert og framtidsretta læring. Deretter har me brukt mykje ressursar på å utvikla ein ny pedagogikk med iPad som læringsbrett.
Kommunestyret tok rapporten til orientering, og vedtok at kommunedirektøren sine vurderingar i rapporten skulle liggja til grunn for det vidare utviklingsarbeidet.
Funksjonskrav
| Funksjon | iPad | Chromebook | Vurdering |
|---|---|---|---|
| Distribusjon av appar | Administrator kan tildela og senda ut standard-appar automatisk, og i tillegg gjera valfrie appar tilgjengelege for nedlasting av brukaren. | Administrator tildeler appar, og brukar må sjølv lasta ned alle appane som trengst. | Distribusjon av appar er enklare på iPad, og krev difor mindre manuelt arbeid enn på iPad. |
| Endra passord/skjermkode | Brukaren kan endra skjermkoden på eininga si sjølv. Lærar og administrator kan òg hjelpa eleven med å nullstilla skjermkoden. | Administrator må tilbakestilla passord for brukaren. Verken elev eller lærar har tilgang til dette sjølv. | Det er ein ulempe at brukaren ikkje kan endra passord/skjermkode sjølv på Chromebook. |
| Vekeplan | Lærar kan senda ut vekeplan gjennom OneNote-klassenotatblokk, og tilpassa denne til kvar enkelt elev. | Klassenotatblokk-tillegget finst ikkje på Chromebook, så lærar må finna andre løysingar for å skriva og distribuera vekeplan. | Dagens løysing fungerer ikkje med Chromebook, så Hjelmelandsskulen må finna andre løysingar for å kunna skriva og publisera vekeplan. |
| Innkjøpspris | ca. kr 6.400 per eining | ca. kr 4.500 per eining | Chromebook er billigare i innkjøp. Innsparing per elev per år (2025-prisar): 1.–4. trinn: kr 475 5.–10. trinn: kr 630 |
| Lisenskostnader | iPad har fleire appar inkludert i operativsystemet, og det er dermed ikkje behov for auka budsjett til innkjøp av lisensar. | Chromebook manglar fleire appar som Hjelmelandsskulen bruker i dag. Dersom ein vel Chromebook må dermed budsjettet til lisensar aukast. | Sjølv om Chromebook er billigare i innkjøp, vil dette systemet føra til auka lisenskostnader. |
| Styring av elevane sine einingar | Lærar kan driva digital klasseleiing ved å bruka Klasserom-appen og Jamf Teacher til å styra elevane sine einingar. | Lærar kan ikkje driva digital klasseleiing til å styra elevane sine einingar, og må bruka fysiske grep. | iPad har ein stor fordel i form av at læraren har ein del tekniske verktøy som kan brukast til å avgrensa elevane sin bruk av læringsbrettet, samtidig som læraren kan følgja med på elevane sitt arbeid. Per dags dato finst ikkje tilsvarande løysing for Chromebook, utan at ein må kjøpa tredjeparts-programvare. |
| Layout og brukarvennlegheit | Administrator kan setja opp ferdige layoutar på heim-skjermen, som kan tilpassast behov på kvart av hovudtrinna. På den måten får elevar og lærarar lett tilgang til appar og nettsider som dei treng i undervisninga. | Administrator kan senda ut nettsider som appar, men brukaren må sjølv søka etter appar og nettsider frå startmenyen. Det er ikkje mogleg å festa appar og nettsider på heim-skjermen. Administrator eller brukar kan festa appar til «hylla» i botnen av skjermen. | iPad er meir brukarvennleg, og gjev brukarane enkel tilgang til dei mest brukte appane/nettsidene, og sorterer andre appar/nettsider på fag eller funksjon. På Chromebook er det berre mogleg å velja ut eit gitt tal på appar som kan ligga i «hylla». |
| Eksamen | iPad kan avgrensast og stengast ned, slik at skuleeigar og skuleleiar kan vera sikker på at læringsbrettet ikkje kan brukast til å kommunisera med andre. | Sidan Chromebook er nettbasert, kan eleven gje sitt eige brukarnamn og passord til kven som helst, som kan sitja kor som helst utanfor eksamenslokalet, og logga seg inn på eleven sitt dokument. Tekstbehandling og rekneark er avhengig av at Chromebook er tilkopla internett, og at eleven har tilgang til dokumenta sine under heile eksamen. | Funksjonaliteten for tekstbehandling og rekneark i Chromebook gjer det umogleg å hindra utanforståande i å logga seg inn på eleven sin brukarkonto, og hjelpa eleven med oppgåveløysing under eksamen. |
| Pedagogisk utviklingsarbeid | Hjelmelandsskulen har brukt iPad sidan hausten 2019, og brukt mykje av utviklingstida til å bli trygg på bruken av systemet, appar og pedagogikken som kan gje meir aktiv, praktisk og variert undervisning. | Dei fleste lærarane i Hjelmelandsskulen har aldri brukt Chromebook før, og det må setjast av ein del tid til å gjera dei trygge på bruk av Chromebook. | Sidan Chromebook i hovudsak er basert på å gjera alle oppgåver i ein nettlesar, er det òg vesentlege forskjellar i arbeidsmåten i dei to universa. Dersom ein skal skifta til Chromebook, må anna pedagogisk utviklingsarbeid (eksempelvis satsinga «lesing i alle fag») setjast til sides, til lærarane er trygge på å bruka Chromebook som læringsbrett. |
| Saks-/arkivsystem | Har direkte tilgang, utan å logga inn i Citrix først. | Må logga inn via Citrix først. | |
| Vekt | |||
| Gjenkjøpsverdi |
